Sólarhringur frá slysinu: Fresta allri fyllingarvinnu
Setja bókamerki
Tengdar fréttir
Eldvirkni á Reykjanesskaga
Úlfar Lúðvíksson, lögreglustjóri á Suðurnesjum, segir að allri vinnu við að fylla í sprungur í Grindavíkurbæ hafi verið frestað fram yfir helgina vegna slyssins í gær þegar maður féll ofan í sprungu.
Úlfar segir í samtali við mbl.is að þessi ákvörðun hafi verið tekin á fundi í morgun en leitin að manninum sem féll ofan í sprunguna hefur enn ekki borið árangur.
Hún hefur staðið yfir í alla nótt en um sólarhringur er frá því tilkynnt var um hvarf mannsins.
„Við áttum fund í morgun varðandi þessa vinnu sem hefur verið í gangi undanfarnar vikur – að tryggja öryggi og fylla upp í sprungur, og í ljósi atburða gærdagsins og yfirstandandi leitar að manninum var sú ákvörðun tekin að allri vinnu verði frestað fram yfir helgi,“ segir Úlfar.
Bætir hann við að fundað verði með verktökum á svæðinu á þriðjudaginn.
Grindavík er hættulegur staður
Úlfar segir að engin breyting verði á viðveru fólks í bænum. Þeir séu fáir sem dvelji í bænum.
Sprungur séu í bænum sem eru afgirtar en það sé ýmislegt ógert í þeim efnum.
„Grindavík er hættulegur staður eins og margoft hefur komið fram. Það eru allir sem vinna og dvelja í bænum meðvitaðir um það,“ segir Úlfar.
Allt kapp sé nú lagt á að finna manninn og björgunarstarf haldi áfram á fullum krafti.
Tengdar fréttir
Eldvirkni á Reykjanesskaga
„Ég bara hreinlega sagt man það ekki“
Bjarni ræddi við Selenskí: Úkraína þarf „tæki og tól“
Katrín og Halla Tómasdóttir að stinga af
Selenskí þakkar Norðurlöndum fyrir stuðninginn
„Ég er nánast uppgefin eftir þessa kosningabaráttu“
„Það svíður enn, það svíður allan daginn“