Úlfar Lúðvíksson, lögreglustjóri á Suðurnesjum, segir að unnið hafi verið sleitulaust í alla nótt við leit að manninum sem féll niður sprungu við íbúðarhús í Grindavík í gær.

Hann segir engar nýjar fréttir af leitinni.

Frétt af mbl.is

Leita enn mannsins sem féll ofan í sprungu

mbl.is/Kristinn Magnússon

Úlfar segir að leitarstarf sé unnið við mjög erfiðar og krefjandi aðstæður.

„Sprungan fer breikkandi þegar neðar dregur og þarna neðst í sprungunni tekur við vatn.“

Hann segist ekki hafa staðfestar upplýsingar um hversu djúp sprungan sé en gæti trúað að dýptin væri tugir metra. Þá segist hann reikna með að vatnið á botni hennar sé djúpt.

mbl.is/Kristinn Magnússon

„Það er verið að ganga frá sprungu og í sprungunni er einhver hindrun sem losnar með þessum hörmulegu afleiðingum að fyllingin fer niður og maðurinn með,“ segir Úlfar sem vonast til að maðurinn finnist á lífi.

„Við erum alltaf með hugann þar.“

mbl.is/Kristinn Magnússon

Tengdar fréttir

Eldvirkni á Reykjanesskaga

Atvinnuhúsnæði ekki keypt upp í Grindavík

• Líklegt að það dragi til tíðinda í þessari viku
• Gæti færst meiri kraftur í eldgosið
• Gosopið gæti stækkað á ný: „Eitthvað í aðsigi“
• Virknin færist í aukana innan 48 tíma

» Fleiri tengdar fréttir

Maður féll í sprungu í Grindavík

Nafn mannsins sem saknað er eftir vinnuslysið

• Hætta að leita: „Allt gert sem hægt var að gera“
• Leit að manninum hætt
• Vinnueftirlitið rannsakar slysið í Grindavík
• Láta þrívíddarskanna síga niður sprunguna

» Fleiri tengdar fréttir

• Blogga um frétt