Líkur á samgöngutruflunum: Dimm él og skafrenningur
Setja bókamerki
Hvessa tekur á suðvestanverðu landinu í kringum hádegi í dag. Síðdegis tekur síðan að hvessa á suðaustanverðu landinu.
Þangað til eru líkur á áframhaldandi éljagangi að sögn vakthafandi veðurfræðings á Veðurstofu Íslands.
Gul viðvörun tekur gildi upp úr hádegi fyrir höfuðborgarsvæðið, Faxaflóa, Breiðafjörð og Suðurland og um miðjan dag fyrir Suðausturland.
Vegir geti lokað með stuttum fyrirvara
Vegagerðin hefur varað við færð á vegum frá klukkan 9 og fram á kvöld. Segir í tilkynningu að vegir geti lokast með stuttum fyrirvara.
Vegirnir sem um ræðir eru Hellisheiði, Þrengsli, Mosfellsheiði, Kjalarnes, Hafnarfjall, Suðurstrandarvegur, Reykjanesbraut, Grindavíkurvegur, Lyngdalsheiði, Akrafjallshringur, Borgarfjörður, Hvalfjörður, Mýrar, hringvegur (1) milli Hveragerðis og Markarfljóts, uppsveitir Suðurlands, og Árborgarhringur.
Leiðindaveður aftur á föstudag
Útlit er fyrir að hvassviðrið muni fara tiltölulega hratt yfir. Hugsanlega vari það í um fimm klukkustundir á hverjum stað.
Búast má við hlýnandi veðri á morgun og rólegra en í dag. Á föstudag er hins vegar útlit fyrir leiðindaveður um allt land.
Lögregla hafi hvatt til afturköllunar kæru
Telur að Rússar herði sókn sína í norðaustri
Forsetinn og utanríkisráðherrann látnir
Þyrla forsetans lenti í „slysi“
Haustbragur í maí: Snjókoma fyrir norðan
„Söguleg óvirðing sem gleymist aldrei“
Ráðist á ferðamenn: „Það var blóð alls staðar“
„Okkur mun ekki bregða“