VG leggur fram áætlun um að útrýma fátækt á Íslandi

Frambjóðendur Vinstrihreyfingarinnar-græns framboðs kynntu í dag aðgerðaáætlun flokksins til að útrýma fátækt á Íslandi en flokkurinn segist leggja höfuðáherslu á að bæta og jafna kjörin og útrýma fátækt.

Í áætluninni segir, að auka þurfi ráðstöfunartekjur hinna tekjulægstu og taka til gagngerrar endurskoðunar samspil almannatrygginga, lífeyrissjóða og skatta. Það sé hlutverk velferðarsamfélagsins að tryggja jöfnuð. Þess vegna leggi VG áherslu á gjaldfrjálsa velferðarþjónustu, aðgengilega landsmönnum öllum.

Þá segir, að á undanförnum árum hafi gjaldtaka í menntakerfinu og í heilbrigðisþjónustu verið aukin jafnt og þétt og nú sé svo komið að tekjulítið fólk eigi þess ekki kost að nýta sér sjálfsagða grunnþjónustu. Þá hafi verið dregið úr félagslegri aðstoð á ýmsum sviðum og það hafi einnig aukið ójöfnuð í þjóðfélaginu.

Í áætlun VG segir, að flokkurinn áformi ekki að auka almennar skattaálögur frá því sem verið hafi á undanförnum árum. Hins vegar sé nauðsynlegt að endurskoða dreifingu skattbyrðarinnar. Endurskoða þurfi hvernig sameiginlegum fjármunum þjóðarinnar sé ráðstafað.

Heimasíða VG

• 10 blogg um fréttina

Bloggað um fréttina

• Snorri Bergz: Sniðug áætlun hjá VG
• Magnús Helgi Björgvinsson: Geir og Steingrímur í tilhugalífi?
• Örvar Þór Kristjánsson: Lopapeysa
• maggie: Það er erfitt að finna alvöru fátækt á Íslandi
• Guðrún María Óskarsdóttir.: Er verkalýðshreyfingin patt Ögmundur ?
• Guðmundur Auðunsson: Kjarninn í kosningunum
• Ólafur Als: Flokkurinn með ljáinn
• Jón Lárusson: En hvernig?
• Jóhannes Ragnarsson: Ragnhildur segir sig úr VG.
• G. Tómas Gunnarsson: Þjóðfélag flatneskjunnar?