Mikið hefur verið rætt um það að undanförnu að kosningabaráttan vegna kosninganna næstkomandi laugardag hafi verið með dauflegra móti. Þykir sumum sem eldmóð hafi vantað í baráttuna og hún hafi því fremur einkennst af ímynd en innihaldi. Júlíus Þorfinnsson, viðskiptastjóri auglýsingastofunnar Fíton, segir þetta á vissan hátt vera í takt við tíðarandann en að þótt ímyndasköpun setji sterkan svip á kosningabaráttuna spili ímynd og innihald yfirleitt saman þegar til lengri tíma sé litið.