Þingmaður kallar eftir opnu bókhaldi

Þór Saari, þingmaður Hreyfingarinnar, hvetur á Facebook-síðu sinni í dag alla frambjóðendur til embættis forseta Íslands til þess að opna bókhald sitt fyrir forsetakosningarnar sem fram fara næstkomandi laugardag. Segir hann kjósendur eiga réttmæta kröfu til þess að vita hverjir styrki frambjóðendurna.

„Hvet alla forsetaframbjóðendur til að fylgja góðu fordæmi Herdísar Þorgeirsdóttur og opna bókhaldið fyrir kosningarnar. Það virðist enginn skortur á peningum hjá sumum þeirra og þjóðin, þ.e. kjósendur, eiga réttmæta kröfu á að vita hvaðan peningarnir koma,“ segir Þór. Auk Herdísar hefur Andrea J. Ólafsdóttir einnig kallað eftir því að frambjóðendur opni bókhald sitt.

• 4 blogg um fréttina

Bloggað um fréttina

• Jakobína Ingunn Ólafsdóttir: Herdís er ekki til sölu
• Björn Birgisson: Opið bókhald og rassvasabókhald
• Haraldur Haraldsson: Þingmaður vill opið bókhald/Þetta kjaftæði um allt opið er ekki …
• Gísli Foster Hjartarson: Að sjálfsögðu