Flestir vilja Katrínu sem forsætisráðherra
Setja bókamerki
Flestir vilja sjá Katrínu Jakobsdóttur, formann Vinstrihreyfingarinnar - græns framboðs, sem næsta forsætisráðherra samkvæmt niðurstöðum nýrrar skoðanakönnunar Gallup eða 37%. Næstflestir vilja Bjarna Benediktsson, formann Sjálfstæðisflokksins, í forsætisráðuneytið eða 20%. Fréttavefur Ríkisútvarpsins greinir frá þessu.
Sex prósent vilja Helga Hrafn Gunnarsson, þingmann Pírata, og 5% núverandi forsætisráðherra Sigurð Inga Jóhannsson. Þá vilja 3% sjá Sigmund Davíð Gunnlaugsson, formann Framsóknarflokksins og fyrrverandi forsætisráðherra, í embættinu á ný og sama hlutfall vill Einar K. Guðfinnsson, forseta Alþingis, og Birgittu Jónsdóttur, þingmann Pírata.
Tvö prósent vilja formann Samfylkingarinnar, Árna Pál Árnason, sem næsta forsætisráðherra og sama hlutfall nefndi Óttarr Proppé, formann Bjartrar framtíðar, Frosta Sigurjónsson, þingmann Framsóknarflokksins, og Ólaf Ragnar Grímsson, forseta Íslands.
Búið að fella björninn
Maðurinn sem leitað var að fannst látinn
Vangaveltur gengu lengra en innistæða var fyrir
Björninn sagður nálægt byggð
Of margir nemendur og ákall um hæft starfsfólk
Gerðu umfangsmiklar loftárásir á Líbanon
Davíð Viðarsson var skyndihugdetta
Vendingar vestanhafs geti haft áhrif hér heima