Til þess gæti komið um helgina að atkvæði í Norðausturkjördæmi yrðu ekki talin fyrr en á sunnudag. Gengið verður til kosninga á laugardaginn og er þá spáð snjókomu og slyddu um norðanvert landið.

Gestur Jónsson, formaður yfirkjörstjórnar, segir þetta geta þýtt að tafir verði til dæmis á flutningi kjörgagna af Austurlandi til Akureyrar. Tíðkast hefur að þessi gögn fari með flugvél en komi veður í veg fyrir slíkt nú – eins og ætla má að gæti gerst – þarf að flytja allt landleiðina, sem tekur sinn tíma. Verða atkvæði þá ekki talin fyrr en á sunnudagsmorgun.

Í Norðvestur- og Suðurkjördæmum hafa menn litlar áhyggjur af laugardeginum þótt komið sé fram á vetur og allra veðra geti verið von, að því er fram kemur í Morgunblaðinu í dag.

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir