Opinn kosningafundur sjálfstæðismanna með Bjarna Benediktssyni, formanni Sjálfstæðisflokksins fór fram á Hilton Reykjavík Nordica fyrir hádegi. Fundurinn var sendur út í beinni útsendingu og hægt var að fylgjast með henni á mbl.is.
Upptaka frá fundinum er aðgengileg hér að neðan.
Samkvæmt nýrri skoðanakönnun Félagsvísindastofnunar, sem gerð var fyrir Morgunblaðið dagana 19. til 21. september, er Vinstrihreyfingin – grænt framboð orðin stærsti flokkur landsin. Flokkurinn nýtur fylgis 30% kjósenda og fengi samkvæmt því 22 þingmenn. Hann hefur nú 10 þingmenn. Umtalsverður munur er á fylgi VG eftir kynjum. Ætla 20% karla að kjósa flokkinn en 40% kvenna.
Sjálfstæðisflokkurinn tapar verulegu fylgi frá þingkosningunum í fyrra, samkvæmt könnuninni. Stuðningur við hann mælist 23% og fengi hann 15 þingmenn í stað 21 sem hann hefur nú. Flokkur fólksins fengi 5 þingmenn kjörna, en hefur engan þingmann núna. Björt framtíð næði ekki manni á þing.