Heimskautaís bráðnar hraðar en spár segja til um

Heimskautaís bráðnar hraðar heldur en tölvumódel um loftslagsbreytingar gera ráð fyrir, samkvæmt niðurstöðum bandarískra vísindamanna. Síðan árið 1979, hefur sumar-ís á Norðurheimskautinu bráðnað um 9%á hverjum áratug, en tölvumódel gera ráð fyrir helmingi minni bráðnun. Þetta kemur fram á fréttavef BBC.

Vísindamennirnir segja spár Vísindanefndar Sameinuðu þjóðanna (IPCC) séu ef til vill of varkárar. Síðustu athuganir sýna að Heimskautasumur gætu orðið íslaus um miðja öldina.

„Einhvern tímann á seinni hluta þessarar aldar, gæti það gerst“, segir Ted Scambos hjá Alþjóða snjó og ís upplýsingamiðstöðinni (NSIDC) í Colorado háskóla. „Sum tölvumódel sýna fram á viðkvæmt tímabil, þar sem Heimskautaískerfið hrynur skyndilega - það er líklega nærri lagi en það er erfitt að segja hvenær það gerist. “

Vísindahópurinn komst einnig að þeirri niðurstöðu að um helmingur, ef ekki meira, af hitnun jarðar síðan árið 1979 orsakist af losun gróðushúsaefna.

• 2 blogg um fréttina

Bloggað um fréttina

• Billi bilaði: Heimili jólasveinsins að hverfa
• Magnús Geir Guðmundsson: Skuldadagar að nálgast?