Ætla að ganga lengra í loftslagsmálum

Narendra Modi, forsætisráðherra Indlands, segir að Indland muni ganga enn lengra í aðgerðum sínum gegn loftslagsbreytingum en gert sé ráð fyrir með Parísarsáttmálanum frá 2015. Á blaðamannafundi ásamt Emmanuel Macron, forseta Frakklands, lýsti Modi því hvernig samningurinn væri hluti af „þeirra skyldu til að vernda móður jörð.“

Margir þjóðarleiðtogar heims hafa gagnrýnt Donald Trump Bandaríkjaforseta harðlega fyrir að snúa baki við sáttmálanum líkt og talsvert hefur verið fjallað um að undanförnu.

Samkvæmt Parísarsamkomulagið bar Bandaríkjunum, ásamt hinum 194 ríkjunum sem einnig eru aðilar að sáttmálanum, að stemma stigu við aukinni hlýnun jarðar vegna losunar gróðurhúsalofttegunda og að halda hlýn­un jarðar vel inn­an við 2°C og helst inn­an við 1,5°C.

Kína og Evrópusambandið hafa ítrekað hollustu sína við samkomulagið og Macron segir ákvörðun Trump vera „mistök bæði fyrir Bandaríkin og jörðina.“ Að loknum fundi með Frakklandsforseta sagði Modi að Frakkar og Indverjar hafi unnið „öxl í öxl“ við Parísarsamkomulagið.

„Parísarsamkomulagið er þáttur í sameiginlegri sögu heimsins. Það er gjöf sem þessi kynslóð getur gefið,“ sagði Modi en Indland er ábyrgt fyrir fjórðu mestu losun koltvísýrings í heiminum á eftir Kína, Bandaríkjunum og Evrópusambandinu.

Frétt BBC

Emmanuel Macron, forseti Frakklands og Narendra Modi, forsætisráðherra Indlands í ...
Emmanuel Macron, forseti Frakklands og Narendra Modi, forsætisráðherra Indlands í faðmlögum við Sigurbogann. AFP
Forsætisráðherrarnir funduðu í Frakklandi.
Forsætisráðherrarnir funduðu í Frakklandi. AFP
mbl.is

Skoðanakannanir

[ Nánar | Allar kannanir í CSV-skrá ]

Stálvaskur - lítur vel út
Til sölu: Sterklegur stálvaskur. . verð 2000kr Upplýsingar í síma 564-1787 og ...
215/75X16
Til sölu 4st Contenental dekk notuð 215/75x16 undan Ford Transit húsbíl sterk ...
 
L edda 6017101719 iii
Félagsstarf
? EDDA 6017101719 III Mynd af auglýsi...
Fyrirtæki í reykjavík
Önnur störf
Fyrirtæki í Reykjavík óskar eftir ...
Eldri borgarar
Staður og stund
Aflagrandi 40 Dagurinn byrjar á opinni v...
Vélavörður
Sjávarútvegur
Vélavörður óskast! Vélavörð vantar á ...