Skjánotkun seinkar þroska barna

Börn sem eyða miklum tíma fyrir framan skjáinn þroskast seinna en þau sem eru minna við skjáinn. Þetta er niðurstaða nýrrar rannsóknar og segir dr. Sheri Madigan, sem stýrði rannsókninni við háskólann í Calgary, að foreldrar eigi að takmarka þann tíma sem börn þeirra fá að eyða í tölvum og snjalltækjum.

Kanadíska rannsóknin sýnir að börn sem eyða meiri tíma fyrir framan skjáinn við tveggja ára aldur standa sig verr á þroskaprófum þriggja ára en þau sem eyða litlum tíma við skjáinn. Rannsókn á þriggja ára börnum sýnir svipaða niðurstöðu í fimm ára þroskaprófi. 

Skjánotkun barna getur haft áhrif á þroska þeirra. AFP

„Það sem er nýmæli í þessari rannsókn er að við erum að rannsaka mjög ung börn, á aldrinum tveggja til fimm ára, þegar þroski heilans er að taka miklum breytingum og framförum. Eins eru börn að þroskast mjög hratt á þessum aldri,“ segir Madigan í viðtali við Guardian.

Hún segir að foreldrar eigi að gæta vel að þeim tíma sem þeir leyfa börnum sínum að eyða í tækjum. Því þetta geti haft mikil áhrif á þroska þeirra. 

Frétt Guardian í heild

Frétt af mbl.is

Foreldrar senda röng skilaboð

• 1 blogg um fréttina

Bloggað um fréttina

• Helga Dögg Sverrisdóttir: Betra að fara varlega