Sigga Ózk gefur út eldheitan sumarsmell
Setja bókamerki
/frimg/1/49/88/1498855.jpg)
Íslenska poppstirnið Sigríður Ósk Hrafnkelsdóttir, jafnan kölluð Sigga Ózk, gefur út nýtt lag á morgun, föstudag.
Lagið heitir Boy Bye og verður að finna á væntanlegri plötu hennar. Sigga Ózk samdi lagið ásamt Hákoni Guðna Hjartarsyni í lagahöfundabúðum sem haldnar voru á vegum Iceland Sync árið 2022.
Sigga Ózk hefur verið á mikilli uppleið í íslensku tónlistarsenunni síðustu ár og vakti mikla athygli fyrir þátttöku sína í Söngvakeppni sjónvarpsins, í fyrra og í ár, en hún komst áfram í úrslitaþáttinn í bæði skiptin.
Þessi unga, líflega og metnaðarfulla kona á svo sannarlega framtíðina fyrir sér í tónlist enda með stór framtíðarplön. Hún vonast til að ná á svipaðar slóðir og söngkonurnar Beyoncé, Kylie Minogue og Ariana Grande.
/frimg/1/42/35/1423506.jpg)
„Lagið er gleðisprengja, algjör sumarslagari sem hægt er að dansa við,” útskýrir hún.
Sigga Ózk birti svokallaðan „teaser“ á Instagram í gærdag og vakti færslan mikla lukku hjá aðdáendum hennar.
Tveimur er haldið sofandi eftir rútuslysið
Áætlar að tíu fyrirtæki hafi orðið fyrir verulegu tjóni
Dallas valtaði yfir Boston
Eldur í þaki Kringlunnar
Allur tiltækur mannskapur sinnir slökkvistarfinu
Ekki mikil hreyfing á hrauntungunni
Mikið tjón í Kringlunni