Mastercard lokar á Wikileaks
Setja bókamerki
Kortafyrirtækið MasterCard hefur lokað fyrir viðskipti við uppljóstranavefinn Wikileaks, að því er fréttavefurinn CNET greinir frá. Vitnað er í talsmann fyrirtækisins sem staðfestir að eigendur korta frá MasterCard geti ekki lengur notað þau í viðskiptum við vefinn eða til að styðja hann með framlögum.
Áður hefur svissneskur banki lokað reikningi sem skráður var á Julian Assange, stofnanda Wikileaks, og fyrirtækið PayPal hefur gert slíkt hið sama. Í frétt CNET kemur fram að nú sé aðeins hægt að styrkja Wikileaks með kortum frá Visa, gegnum síðu sem vistuð er af íslenska fyrirtækinu DataCell.com, að því er segir í fréttinni. Var haft samband við talsmann Visa, sem vildi ekki tjá sig um málið.
Þá er haft eftir talsmanni MasterCard að ákvörðun um lokun á Wikileaks sé tilkomin vegna þess að ólögleg starfsemi fari fram á vefnum, það sé ekki samkvæmt starfsreglum fyrirtækisins að kort þess séu notuð við slíka iðju.
„Finn fyrir miklum meðbyr“
„Mjög ánægður með útkomuna“
Óásættanlegt hversu langan tíma viðræður hafa tekið
„Eigum eftir að sjá miklar sviptingar“
Atvinnuhúsnæði ekki keypt upp í Grindavík
11 verða í framboði til embættis forseta Íslands
„Þakklátur að hanga í toppsætunum“