Forseti Íslands Guðni Th. Jóhannesson sendi í dag Felipe IV Spánarkonungi samúðarkveðju fyrir hönd íslensku þjóðarinnar, vegna hryðjuverksins sem framið var í Barcelona í gær.
Í kveðju sinni segir forsetinn að „þeir sem vilji verja frelsi og öryggi í Evrópu þurfi sem fyrr að standa saman gegn þeirri ógn sem saklausu fólki stafi af ódæðum öfgamanna, miskunnarleysi þeirra og mannhatri. Hugur Íslendinga sé með Spánverjum í sorg þeirra,“ að því er fram kemur í fréttatilkynningu.