48 ára karlmaður hefur verið ákærður fyrir fimm morð í tengslum við eldsvoða á farfuglaheimili í Wellington, höfuðborg Nýja-Sjálands um miðjan maí.
Eldur kviknaði í fjögurra hæða farfuglaheimilinu Loafers Lodge í miðborg Wellington. Fimm karlmenn á aldrinum 50 til 67 ára létu lífið.
Tæplega 100 manns þurftu að yfirgefa farfuglaheimilið er eldurinn kviknaði að nóttu til.