Má Dr. Gunni ekki sitja í stjórn Strætó?

Samkvæmt samþykktum byggðasamlagsins Strætó bs. verða þeir sem sitja í stjórn félagsins að vera aðalmenn sveitarstjórn eða framkvæmdastjóri viðkomandi sveitarfélags. Vafi leikur því á því hvort dr. Gunni er löglega kosinn stjórnarformaður fyrirtækisins.

Dr. Gunni var fyrr í dag kosinn í stjórn Strætó fyrir hönd Reykjavíkurborgar, en í stjórninni sitja fulltrúar frá borginni, Kópavogi, Hafnarfirði, Garðabæ, Seltjarnarnesi og Álftanesi. Sveitarfélögin skiptast á að fara með formennsku í stjórninni, en núna er fulltrúi Reykjavíkur formaður.

Á heimasíðu Strætó segir: „Stjórn byggðasamlagsins er skipuð einum fulltrúa og einum til vara frá hverju aðildarsveitarfélagi. Fulltrúinn skal vera aðalmaður í sveitarstjórn eða framkvæmdastjóri viðkomandi sveitarfélags.“

Dr. Gunni er varaborgarfulltrúi Besta flokksins og miðað við þetta uppfyllir hann ekki þær reglur sem gilda um stjórnarsetu.

• 1 blogg um fréttina

Bloggað um fréttina

• Heimir Lárusson Fjeldsted: Illa byrja þau