Risaskjárinn við Arnarhól sem landsleikurinn í kvöld verður sýndur á er tæpum 27 tommum stærri en risaskjárinn á EM torginu á Ingólfstorgi.
Frétt mbl.is: Búist við þúsundum á Arnarhól í kvöld
Samkvæmt Ingólfi Arnarsyni, framkvæmdastjóra Hljóð X, sem sér um uppsetningu risaskjáanna, er skjárinn við Arnarhól 26 fermetrar en skjárinn á Ingólfstorgi 21 fermetri.
Til að setja þetta í samhengi er skjárinn sem notaður verður í kvöld ríflega 300 tommur. Skjárinn á EM-torginu er hins vegar „ekki nema“ tæplega 274 tommur.
Búist er við allt af 15.000 áhorfendum í miðbænum í kvöld, en eins og greint hefur verið frá verður slökkt á skjánum á EM-torginu fyrir leik Íslands og hann því aðeins sýndur við Arnarhól.