Ferðir Herjólfs frá Vestmannaeyjum klukkan 11 og frá Landeyjahöfn klukkan 12.45 hafa verið felldar niður vegna flóðastöðu.
Herjólfur siglir til Landeyjahafnar seinnipartinn í dag, að því er kemur fram á Facebook-síðu Herjólfs.
Brottfarir frá Vestmannaeyjum verða klukkan 16, 18 og 21.
Brottfarir frá Landeyjahöfn verða klukkan 17:10, 19:45 og 22.
Herjólfur tók niðri í Landeyjahöfn í morgun þegar skipið sigldi sína fyrstu ferð þangað eftir tveggja daga brælu.
Vel gekk að sigla inn í höfnina en á útleiðinni tók skipið niðri og því ljóst að grynningarnar eru töluverðar, að því er kemur fram á Eyjar.net.
Kafari er að skoða skipið. Ef allt reynist í lagi verður haldið áætlun og siglt síðar í dag á flóði til Landeyjahafnar.