Ekkert lát er á jarðhræringunum í grennd við Grímsey, á svonefndu Tjörnesbrotabelti. Í gær mældust þar sex skjálftar yfir þremur stigum.

Ármann Höskuldsson eldfjallafræðingur segir í samtali við Morgunblaðið að atburðarásin sé mjög óvenjuleg. Hrinan hafi staðið yfir lengi og verið mjög þétt. Hún hófst 14. febrúar síðastliðinn og hefur verið nær látlaus síðan.

„Ef ég ætti heima á Húsavík tæki ég allt brothætt niður úr hillum á meðan þetta gengur yfir,“ segir Ármann. „Á þessu svæði hefur verið beðið í meira en hundrað ár eftir stórum skjálfta,“ bætir hann við. Í umfjöllun um skjálftahrinuna í Morgunblaðinu í dag útilokar Ármann ekki að spennan sem þarna fær útrás um þessar mundir færist í aðrar sprungur á svæðinu í kjölfar þessarar miklu hrinu.

Tengdar fréttir

Jarðskjálftahrina við Grímsey

Aflýsa óvissustigi vegna skjálftahrinu við Grímsey

• „Hrinan gæti aukist aftur en líka dáið alveg út“
• Nálgast bráðum 10 þúsund skjálfta
• Yrðu líklega vör við eldgos nálægt Grímsey
• Upptökin á eldvirku svæði

» Fleiri tengdar fréttir