Hefja athugun á Tekjur.is
Setja bókamerki
Persónuvernd hefur hafið athugun á birtingu Viskubrunns ehf. á skattskrárupplýsingum fyrir árið 2016 á vefsíðunni Tekjur.is, en stofnunni hefur borist fjöldi erinda frá einstaklingum sem telja brotið gegn persónuverndarlöggjöf með birtingunni. Þetta kemur fram á heimasíðu Persónuverndar. Bréf um athugunina hefur verið sent lögmanni Viskubrunns.
Þar kemur fram að stofnunin hafi ákveðið að hefja athugun á því hvort vinnsla persónuupplýsinga í tengslum við síðuna samrýmist lögum um persónuvernd. Vakin er athygli á því að í tengslum við athugunina geti komið til beitingar valdheimilda stofnunarinnar, til að mynda takmörkunar eða banns við vinnslu tímabundið eða til frambúðar.
Í bréfinu er meðal annars spurt hvaðan umræddar upplýsingar séu fengnar og hvernig þær hafi verið unnar úr upprunalegum gögnum, eftir atvikum með yfirfærslu þeirra af pappír á rafrænt form. Einnig hvort afhending gagnanna til Viskubrunns hafi verið bundin einhverjum skilyrðum á grundvelli laga um endurnot upplýsinga.
Þá er spurt hvort hvaða viðeigandi tæknilegar og skipulagslegar ráðstafanir hafi verið gerðar til að tryggja og sýna fram á að vinnsla persónuupplýsinga uppfylli kröfur laga.
Fyrr í vikunni lagði Ingvar Smári Birgisson, lögfræðingur og formaður Sambands ungra Sjálfstæðismanna, fram kröfu um lögbann á síðuna hjá sýslumanninum í Reykjavík. Taldi hann það skýrt að vegið væri ómaklega að friðhelgi einkalífs fólk með birtingu upplýsinganna. Beiðninni var hins vegar hafnað.
Búið að fella björninn
Glæpastarfsemi orðin mun skipulagðari
Björninn sagður nálægt byggð
Vangaveltur gengu lengra en innistæða var fyrir
Lögreglan leitar eftir myndefni í tengslum við andlátið
Gerðu umfangsmiklar loftárásir á Líbanon
Eðlileg viðbrögð að fella tár
Of margir nemendur og ákall um hæft starfsfólk