Alls mældust 34 eldingar yfir Íslandi í gær frá því klukkan 14:00 og fram á nótt. Loft yfir suðurhluta landsins var mjög óstöðugt í gær en tíðni eldinga var með meira móti.
Samkvæmt upplýsingum frá Veðurstofu Íslands hófst eldingahrinan í grennd við Vatnajökul og færðist þaðan vestur en fjöldi íbúa á höfuðborgarsvæðinu sá eldingar í gær um kvöldmatarleytið.
Eins og greint var frá í gær tókst Gísla Reynissyni, ritstjóra Aflafretta.is, að fanga á myndband eina af eldingunum sem laust niður á suðvesturhorninu.