Dregið var í 16-liða úrslit bikarkeppni kvenna í knattspyrnu í höfuðstöðvum KSÍ kl. 12 í dag.
Öll 10 liðin úr efstu deild koma beint inn í 16-liða úrslitin og voru því í pottinum sem og Grótta, Fram, FHL, ÍA, Afturelding og Grindavík.
Breiðablik fer í heimsókn í Garðabæinn og á Sauðárkróki verður Norðurlandsslagur þar sem Þór/KA sækir Tindastól heim. Bikarmeistarar Víkings mæta Aftureldingu í Mosfellsbæ og Valur fær Fram í heimsókn.
Leikirnir fara fram um Hvítasunnuhelgina.
Þorvaldur Örlygsson, formaður KSÍ og Hólmfríður Magnúsdóttir, fyrrverandi landsliðskona sáu um að draga.
16-liða úrslitin líta svona út:
Stjarnan - Breiðablik
Tindastóll - Þór/KA
FH - FHL
Afturelding - Víkingur
Þróttur - Fylkir
Grótta - Keflavík
Grindavík - ÍA
Valur - Fram