Línumaðurinn Kári Kristján Kristjánsson meiddist seint í leiknum gegn Serbíu á EM í kvöld og óvíst hvort hann verði tilbúinn í slaginn með ÍBV þegar Olís-deildin hefst á ný eftir EM-fríið.
Kári meiddist aftan í læri þegar tæpar tíu mínútur voru eftir og kom því ekki meira við sögu. Líkur eru á því að um tognun sé að ræða en Kári var vafinn um lærið að leiknum loknum þegar mbl.is ræddi við hann.
Kári skoraði 4 mörk í leiknum og náðu hann og Aron Pálmarsson nokkuð vel saman í síðari hálfleik.