Rodri ekki tilnefndur

Átta leikmenn eru tilnefndir sem leikmenn ársins í ensku úrvalsdeildinni í knattspyrnu. Athygli vekur að Rodri, leikmaður Manchester City, er ekki á meðal þeirra.

Manchester City hefur ekki tapað með Rodri í liðinu í 71 leik í röð og Spánverjinn hefur verið stórkostlegur á tímabilinu. Liðsfélagar hans, Phil Foden og Erling Haaland eru tilnefndir.

Þrír Norðurlandabúar eru á listanum því auk Norðmannsins Haaland eru Svíinn Alexander Isak og landi Haaland, Martin Ödegaard tilnefndir.

Stuðningsmenn geta tekið þátt í kosningunni á leikmanni ársins en atkvæðin verða lögð saman við álit dómnefndar sérfræðinga.

Listinn í heild sinni:

Phil Foden (Manchester City)
Erling Haaland (Manchester City)
Alexander Isak (Newcastle)
Martin Ödegaard (Arsenal)
Cole Palmer (Chelsea)
Declan Rice (Arsenal)
Virgil van Dijk (Liverpool)
Ollie Watkins (Aston Villa)

• Blogga um frétt