Lewis Hamilton átti sérdeilis góðan lokahring í tímatökunni í Bakú sem var að ljúka í þessu. Hreppti hann ráspólinn fyrir framan nefið á liðsfélaga sínum Valtteri Bottas. Þriðji varð Kimi Räikkönun hjá Ferrari.
Hamilton ók best á 1:40,593 mínútum, Bottas á 1:41,027 og Räikkönen á 1:41,693 mín., eða rúmri sekúndu á eftir Hamilton.
Sebastian Vettel hjá Ferrari varð fjórði, rúmlega tíunda úr sekúndu á eftir félaga sínum Räikkönen.
Í sætum fimm til tíu urðu - í þessari röð - Max Verstappen hjá Red Bull, Sergio Perez og Esteban Ocon hjá Force India, Lance Stroll og Felipe Massa hjá Williams og Daniel Ricciardo hjá Red Bull.