Sebastian Vettel á Ferrari ók hraðast á lokaæfingunni fyrir tímatökuna í Austin í Texas í kvöld en þar fer bandaríski kappaksturinn fram annað kvöld. Var hann 46 þúsundustu úr sekúndu fljótari en liðsfélaginn Kimi Räikkönen.
Vettel var 73 þúsundustu úr sekúndu á undan Lewis Hamilton á Mercedes, sem varð þriðji á lista yfir hröðustu hringi æfingarinnar. Liðsfélagi hans Valtteri Bottas átti fjórða besta hringinn. Red Bull ökumennirnir Max Verstappen og Daniel Ricciardo urðu í fimmta og sjötta sæti, en 09, og 1,1 sekúndum á eftir Vettel.
Í sætum sjö til tíu urðu Charles Leclerc á Sauber, Sergio Perez á Force India, Carlos Sainz á Renault og Romain Grosjean á Haas.
Á æfingunum tveimur í gær ók Hamilton hraðast á báðum en rigning hafði sín áhrif á brautartíma og röð ökumanna. Spöruðu þeir bílana, sérstaklega á seinni æfingunni.