Áhorfandi á leik Englands og Króatíu í lokakeppni Evrópumóts karla í fótbolta sem fram fór á Wembley í dag varð fyrir alvarlegum meiðslum á meðan leikurinn stóð yfir.
Talsmaður Wembley staðfesti við fjölmiðla að áhorfandinn hefði fallið rétt eftir að flautað var til leiks og hefði fengið aðhlynningu á staðnum áður en hann var fluttur á sjúkrahús, alvarlega slasaður.
Hann sagði ennfremur að unnið væri að rannsókn málsins í samvinnu við UEFA.