Argentínski knattspyrnusnillingurinn Lionel Messi verður ekki með landsliði þjóðar sinnar í vináttuleikjum gegn El Salvador og Kosta Ríka í Bandaríkjunum síðar í þessu mánuði vegna meiðsla.
Messi fór af velli á 51. mínútu í leik Inter Miami gegn Nashville á fimmtudaginn var vegna meiðsla í læri. Hann lék svo ekki með Inter-liðinu gegn DC United á laugardag vegna meiðslanna.
Knattspyrnusamband Argentínu greindi frá í dag að Messi hafi ekki náð að jafna sig á meiðslunum og því neyðst til að draga sig úr hópnum.
Pablo Punyed, leikmaður Íslands- og bikarmeistara Víkings úr Reykjavík, er í landsliðshópi El Salvador fyrir leikinn gegn Argentínu en nú er ljóst að hann fær ekki að mæta Messi.