Greiningardeild Landsbankans spáir því að Seðlabankinn hefji vaxtalækkunarferli í nóvember og að vextir verði komnir í 9% um áramótin 2008 og 2009.
Í hagspá bankans fyrir tímabilið 2007-2010 kemur fram að vaxandi tengsl hagkerfisins við alþjóðlega fjármagnsmarkaði flækja framkvæmd peningastefnunnar og tefja fyrir lækkun vaxta vegna hættu á gengissveiflum. Almennt séð virðist sem hagræn alþjóðavæðing dragi úr svigrúmi stjórnvalda til hagstjórnar, samkvæmt hagspá Greiningardeildar Landsbanka Íslands.