easyJet bætir við flugleið til Íslands

Breska lággjaldaflugfélagið easyJet mun bæta við flugleið frá Íslandi til Bretlands næsta vetur og fljúga til Stensted flugvallar við London tvisvar í viku. Áætlanir félagsins gera ráð fyrir að um 13 þúsund farþegar muni nýta sér þessa nýju flugleið árlega. 

Í frétt Túrista kemur fram að samkvæmt tilkynningu frá flugfélaginu verði ódýrustu fargjöldin til Stansted frá Keflavík á um 7.500 krónur en farþegar borga aukalega fyrir innritaðan farangur.

Útlit er nú fyrir að allt að 56 ferðir í viku verði farnar frá Keflavík til Lundúna næsta vetur en þá mun British Airways einnig hefja Íslandsflug á ný eftir nokkurra ára hlé.

Líkt og mbl greindi frá í gær var oftast flogið til London frá Keflavíkurflugvelli í júní en Lundúnarferðirnar voru alls 8,4% allra brottfara.

• Blogga um frétt