Nýskráningum einkahlutafélaga síðustu 12 mánuði fram til júlí á þessu ári hefur fjölgað um 11% í samanburði við 12 mánuði þar á undan, samkvæmt mælingum Hagstofu Íslands.
Á tímabilinu voru skráð 2.219 ný félög. Mest fjölgaði nýskráningum í byggingastarfsemi og mannvirkjagerð, um 38% á síðustu 12 mánuðum.
Gjaldþrotum einkahlutafélaga hefur fækkað á sama tímabili um 15%, en 719 fyrirtæki voru tekin til gjaldþrotaskipta.