Samkeppniseftirlitið heimilar samrunann

Ekki eru forsendur til íhlutunar vegna yfirtöku Landsbankans á Sparisjóði Norðurlands að mati Samkeppniseftirlitsins.

Stofnunin vísar í rökstuðning í fyrri útlausnum þess efnis að tilvist sparisjóða geti falið í sér tækifæri til aukinnar samkeppni og að aukin samþjöppun á fjármálamarkaði gefi til kynna að samruninn hafi óheppileg áhrif á samkeppni á fjármálamarkaði. Ekkert bendi til þess að annað gildi um hann en hliðstæð fyrri mál.

Hins vegar sé í þessu máli byggt á því að sjónarmið um fyrirtæki á fallanda fæti eigi við. „Það leiði til þess að ógilding samruna myndi í raun leiða til sömu niðurstöðu. Það er mat Samkeppniseftirlitsins að samrunaaðilar hafi sýnt fram á að þessi sjónarmið eigi við í málinu.“

Bent er á að Sparisjóður Norðurlands uppfylli þannig ekki lagaskilyrði starfsleyfisskylds fjármálafyrirtækis og sé ómögulegt af eigin rammleik að uppfylla eiginfjárkröfur Fjármálaeftirlitsins. Þá sé útséð um tilraunir til þess að auka eigið fé sjóðsins.

• Blogga um frétt