Sigurður Valur Sigurðsson hefur verið ráðinn sem markaðsstjóri hjá ráðstefnuborginni Reykjavík (Meet in Reykjavík).
Verkefni Sigurðar verður að styrkja og efla ímynd Reykjavíkur sem áfangastaðar funda-, rástefnu-, viðburða- og hvataferða, segir í fréttatilkynningu.
Sigurður hefur reynslu af markaðs- og sölumálum en síðastliðin 5 ár hefur hann starfað sem vörumerkjastjóri hjá Ölgerðinni en áður hefur Sigurður meðal annars starfað sem forstöðumaður markaðssvið Iceland Express og sem verkefnastjóri hjá Katla Travel í München í Þýskalandi.
Sigurður er með B.Sc. gráðu í ferðamálafræði frá Háskóla Íslands og útskrifast í vor með MBA gráðu frá sama skóla.