Sundar Pichai, forstjóri Google, er ekki á flæðiskeri staddur fjárhagslega. Tekjur hans voru helmingi hærri árið 2016 en árið á undan.
Á síðasta ári fékk Pichai greiddar 199,7 milljónir dollara, um 21 milljarð króna, vegna starfa sinna hjá Google. Þetta kemur fram í skýrslum móðurfélags Google, Alphabet.
Grunnlaun Pichai eru í skýrslunni sögð 650 þúsund dollarar, tæplega 70 milljónir króna. Að auki fékk hann hagnað af hlutabréfum í fyrirtækinu.
Í frétt CNN um málið segir að Google hafi launað Pichai vel vegna góðs árangurs hans í starfi.
Pichai tók við forstjórastöðunni árið 2015 en hafði áður verið framkvæmdastjóri.