Síðan Magnús Norðdahl settist í forstjórastól LS Retail í desember 2010 hefur velta félagsins tífaldast og starfsmönnum fjölgað úr 40 í 250.
Þannig má segja að fimm ára áætlun Magnúsar um tíföldun veltu hafi gengið upp, en hann lagði fram áætlunina gegn því að fyrirtækið yrði látið í friði að því leyti að það yrði ekki selt strax, ekki tekinn út arður og ekkert hlutafé lagt inn, að því er fram kemur í samtali við Magnús í ViðskiptaMogganum í dag.
Viðskiptavinir LS Retail eru rúmlega 4.100 talsins og hugbúnaðurinn notaður í yfir 66.000 verslunum og veitingastöðum í 120 löndum. Þó ekki fari mikið fyrir LS Retail frá degi til dags er hugbúnaður sem fyrirtækið þróar notaður daglega af milljónum manna til að afgreiða tugi milljóna manna.