Stjórnendur flutninga- og ferðaþjónustufyrirtækja vænta þess að fjárfesting þeirra aukist um rúm 4% í ár en samkvæmt könnun í vor bjuggust þeir við að aukningin yrði 18%. Sá atvinnuvegur mun fjárfesta langsamlega mest í ár eða um 48% af heildinni. Talið er að sú fjárfesting muni nema 46 milljörðum króna í ár. Þetta kemur fram í fjárfestingarkönnun Seðlabankans sem sagt er frá í nýútkomnum Peningamálum.
Umrædd fjárfestingarkönnun Seðlabankans sýnir eins og vorkönnunin að á heildina litið gera fyrirtæki ráð fyrir svipuðum útgjöldum til fjárfestingar í ár og í fyrra. Aukningin verður hlutfallslega mest í fjármála- og tryggingastarfsemi á árinu eða um 42% og iðnaði er búst við um 9% vexti á milli ára. En könnunin bendir til minnkandi fjárfestingar í öðrum greinum. Reiknað er með að fjárfestingar atvinnulífsins nemi 100,3 milljörðum króna í ár og dragist saman um 1% á milli ára. Í vor var hins vegar reiknað með 2% vexti.
„Það kemur í sjálfu sér ekki á óvart að fyrirtæki í ferðaþjónustu staldri aðeins við,“ segir Helga Árnadóttir, framkvæmdastjóri Samtaka fyrirtækja í ferðaþjónustu.
Nánar er fjallað um málið í Morgunblaðinu í dag.