Hagnaður af rekstri RÚV mun að óbreyttu ekki duga til að greiða niður allar skuldir félagsins.
RÚV skuldaði um 5,9 milljarða um mitt þetta ár. Til samanburðar var tap á fyrri hluta ársins upp á 44,3 milljónir króna, að því er fram kemur í umfjöllun um fjárhagsvanda RÚV í Morgunblaðinu í dag.
Samkvæmt heimildum Morgunblaðsins hefur RÚV að undanförnu að jafnaði aðeins greitt vexti af milljarða skuld við Lífeyrissjóð starfsmanna ríkisins. Til að greiða niður lánið þurfi RÚV annaðhvort að fá 150-200 milljónir í viðbótarfjármagn á ári, eða að lengja í láninu. RÚV hefur staðið í samningaviðræðum við LSR í rúmt ár.