Fjölda veitingastaða KFC-keðjunnar í Bretlandi hefur verið lokað vegna skorts á kjúklingum sem má rekja til mistaka í dreifikerfi fyrirtækisins.
Þessu er greint frá á fréttavef breska ríkisútvarpsins BBC. Í fréttinni segir að í síðustu viku hafi KFC samið við DHL um dreifingu á aðföngum en áður hafði suðurafríska fyrirtækið Bidvest séð um dreifinguna.
Alls eru 900 KFC-skyndibitastaðir í Bretlandi og eru 90% þeirra reknir af sérleyfishöfum.
„Við fengum nýtt dreifingarfyrirtæki til liðs við okkur og það hefur lent í smá vandræðum. Að koma ferskum kjúklingi til 900 veitingastaða um allt land er heldur flókið!“ var skrifað á Twitter-síðu KFC.
The Colonel is working on it. pic.twitter.com/VvvnDLvlyq
— KFC UK & Ireland (@KFC_UKI) February 17, 2018