Íslandsbanki hefur lækkað vexti í kjölfar stýrivaxtalækkunar Seðlabankans, sem tilkynnt var um í morgun.
Útlánsvextir lækka á óverðtryggðum húsnæðislánum um 0,25 prósentustig og sömuleiðis á Ergo-bílalánum og bílasamningum. Er það jafnmikil lækkun og sem nemur stýrivaxtarlækuninni, en meginvextir Seðlabanka voru lækkaðir úr 4% í 3,75%.
Breytilegir innlánsvextir bankans lækka líka um 0,10 til 0,25 prósentustig, og kjörvextir útlána um 0,10 prósentustig. Engar breytingar verða hins vegar gerðar á vöxtum verðtryggðra húsnæðislána.
Þetta er í annað sinn í mánuðinum sem vextir eru lækkaðir hjá bankanum, en síðast var það gert í upphafi mánaðar í kjölfar 0,5 prósentustiga lækkunar stýrivaxta í lok maí. Lækkuðu þá breytilegir vextir verðtryggðra húsnæðislána um 0,10 prósentustig.