Fulltrúar verkefnisins 201 Smári hafa tekið tilboðum í 25 af 80 íbúðum sem þeir settu á markað suður af Smáralind um miðjan desember.
Um er að ræða fjölbýlishúsin Sunnusmára 19-21, 23 og 25. Síðastnefnda húsið er ætlað fyrir 60 ára og eldri.
Fasteignaþróunarfélagið Klasi stýrir verkefninu fyrir hönd verkefnisins 201 Smári. Ingvi Jónasson, framkvæmdastjóri Klasa, segir íbúðirnar 25 sem selst hafa undanfarinn mánuð vera að meðaltali 80 fermetrar og kosta rétt rúmlega 50 milljónir króna.
Nánari umfjöllun er að finna í Morgunblaðinu 25. janúar.