Bjarni Már Gylfason, leiðtogi samfélagsmála og samskipta hjá Rio Tinto á Íslandi, segir álverið í Straumsvík að skila hagnaði á ný.
Þegar greint var frá samningi álversins og Landsvirkjunar um miðjan febrúar var álverðið tæplega 2.100 dalir á tonnið í kauphöllinni með málma í London (LME). Það er nú tæplega 2.900 dalir.
„Hækkað álverð þýðir að afkoma ISAL er réttum megin við strikið sem er ánægjulegt eftir mikið tap undanfarin ár,“ segir Bjarni Már. Nam tapið alls 227 milljónum dala árin 2018 til 2020, eða um 29 milljörðum kr. á núverandi gengi. „Breytti raforkusamningurinn við Landsvirkjun snerist um að treysta rekstrargrundvöll ISAL til langs tíma og gera okkur hæf til að mæta sveiflum sem óhjákvæmilega verða á þessum markaði. Bætt afkoma núna er þannig ekki vegna nýs orkusamnings heldur vegna hækkunar á álverði.“