Krónan og kökuverslunin 17 sortir notuðu duldar auglýsingar þegar fyrirtækin fengu nokkra einstaklinga til að koma kökudeiginu frá 17 sortum á framfæri á Instagram.
Neytendastofa greinir frá þessu en Krónan og 17 sortir fengu fyrirtækið Ghost Lamp til þess að útbúa duldu auglýsingarnar fyrir sig. Fyrirtækið Ghost Lamp sérhæfir sig í að setja auglýsingahnappa inn í texta. Kemur fram í frétt Neytendastofu að þessir 12 einstaklingar hafi fengið greitt fyrir að setja millumerki Krónunnar og 17 sorta við færslur á Instagram.
„Þeir sem búa til efni fyrir netið geta oft átt í töluverðum vandræðum með að koma auglýsingum fyrir á þann hátt að líti bæði vel út og sé ekki of truflandi fyrir vefinn. Þetta vandmál er sérstaklega plagandi þegar vefsíður eru skoðaðar í snjallsímum og spjaldtölvum enda minna pláss á skjánum,“ sagði Jón Bragi Gíslason í viðtali við mbl.is árið 2014.
Neytendastofa bannar duldar auglýsingar og segir að það þurfi að sérmerkja þær:
- Ef greitt er fyrir eða annað endurgjald veitt fyrir að setja inn mynd af vöru/þjónustu þá þarf að merkja það sem auglýsingu.
- Ef viðkomandi fékk sendar vörur og skrifar um það þá þarf að merkja það sem auglýsingu.
- Það sama gildir ef þú færð lánaðar vörur til þess að fjalla um í innleggi.
- Það sama gildir óháð því hvort viðkomandi hafði samband við fyrirtækið eða fyrirtækið hafði samband við viðkomandi.
- Ef fyrirtæki starfrækir og rekur eigin vefsíðu, bloggsíðu eða prófíl á samfélagsmiðli þá þarf að koma skýrt fram að það sé fyrirtækið sem starfrækir og rekur vefsvæðið.
- Það skiptir ekki máli að engin skylda sé til þess að skrifa um vöruna/þjónustuna eða að umfjöllunin lýsi raunverulegum skoðunum þess sem skrifar.
Þórunn Ívarsdóttir bloggari setti smákökurnar í fallega Iittala skál og stillti upp hreindýri og glasi með röri.
Alexandra Bernhard setti smákökurnar í Iittala skál.
Ingibjörg Sigfúsdóttir birti mynd af ungum manni að gera smákökur.
Hrafnhildur Björk stillti deiginu upp í umbúðunum.
Hér er kökudeiginu stillt upp hlið við hlið í umbúðunum.
Ragnheiður raðaði kökunum á disk.
Ingibjörg Friðriksdóttir bloggari á mamie.is setti kökurnar í skál á fæti og stillti upp mjólkurglasi við hiðina á. Í bakgrunn sést jólatré.
Anna Fríða Gísladóttir markaðsstjóri Dominos póstaði þessari mynd.