Að borða hollan mat alla daga vikunnar kostar skipulagningu. Ofurbloggarinn Karen er í átaki og borðar eftir bókum vigtarráðgjafanna. Til þess að framfylgja kerfinu býr hún til marga salatskammta í einu og gætir þess vel að hafa þá girnilega svo hún falli ekki í freistni og laumi óhollustu á diskinn sinn.
Hvort sem fólk er í aðhaldi eða ekki er þetta ansi góð hugmynd. Til að salatið verði ekki sveitt skiptir máli að setja salatsósuna neðst ásamt blautasta hráefninu eins og tómötum en salatið sjálft efst.