Þú sérð það á nöglunum hversu hreinn líkaminn er

Guðrún Bergmann heilsudrottning hefur á síðustu vikum hreinsað líkamann með góðum árangri. Hún segir að það sjáist vel á nöglunum hvort við séum að borða nægilega hreinan og góðan mat. 

„Það er gaman að velta fyrir sér hvernig hægt er að sjá eða nema að líkaminn sé í þörf fyrir afeitrun. Hallgrímur Magnússon læknir sagði mér fyrir margt löngu að merkja mætti á nöglunum hversu hreinn líkaminn væri. Ef holdið undir nöglunum væri mjög rautt, þá væri mikið af eiturefnum í honum, en rauði liturinn færðist nær fingurgómunum eftir því sem líkaminn hreinsaðist. Eins og nærri má geta er ég alltaf ónaglalökkuð þessa dagana til að fylgjast með þessu ferli. Rauða röndin er orðin mjó og alla vega 4/5 hlutar naglarinnar eru ljósir,“ segir Guðrún í sínum nýjasta pistli á Smartlandi Mörtu Maríu. 

„Svo má finna ýmis merki um að líkaminn þurfi á afeitrun og styrkingu ónæmikerfisins að halda, en þau eru meðal annars síendurtekið kvef og flensur, svo og súrar hægðir, sterk súr svitalykt, húðútbrot og fleira og fleira. Í andlitinu má oft sjá bólur, húðójöfnur og þurra bletti og önnur útbrot sem líka eru merki um að líkaminn sé orðinn ofhlaðinn alls konar efnum sem hann þarf að losna við svo frumur hans geti endurnýjað sig,“ segir hún ennfremur. 

Guðrún Bergmann. Ljósmynd/Cenk Unver

• Blogga um frétt