Jógastöðin Sólir sem var opnuð árið 2015 og hefur síðan þá notið mikilla vinsælda. Nú er staðan þannig að búið er að setja þak á fjölda meðlima. Sólveig Þórarinsdóttir, jógakennari og eigandi stöðvarinnar, segir að í dag séu 800 virkir iðkendur hjá stöðinni sem nýta 40 tíma töflu af krafti.
Frétt af mbl.is: Lykillinn að velsæld er að vita hver maður er„Við munum því ekki taka inn fleiri nýja meðlimi nema einhver endurnýi ekki kortið sitt þegar það rennur út,“ segir Sólveig og bendir á að starfsfólk stöðvarinnar sé að taka niður nöfn á biðlista og sé þetta gert til að tryggja gæði og fagmennsku.
„Þessar frábæru viðtökur fara án efa fram úr okkar björtustu vonum, við erum afskaplega þakklát og sérlega stolt af Sólarteyminu sem leggur sig alltaf fram af einlægni og öllum krafti. Við heyrum stundum jógana okkar tala um lífsbjörg í Sólum og það er í einhverjum tilfellum ekkert grín,“ segir hún og bætir við: