Ekki missa af Ljúflingsverzlun á Laugavegi

Heiður Reynisdóttir og Ragnhildur Anna Jónsdóttir opna Jóla Ljúflingsverzlun í dag og verður verslunin einungis opin í tvo daga. Þær verða í jólaskapi í litlu jólaversluninni sinni að Laugavegi 97 (við hliðina á Borð fyrir tvo). Þar selja búðarkonurnar eitt og annað fallegt - umhverfisvænan jólapappír, jólakort, dagatöl og borða (m.a. vinsælu Bakaraböndin) frá Íslenzka pappírsfélaginu og svo ungbarnasamfellur sem eru Fair Traid-vottaðar úr lífrænni bómull. Samfellurnar eru hönnun Ragnhildar og hennar fyrsta verk undir nafninu Jónsdóttir & co.

Auk  þessa bjóða þær uppá skemmtilega og ódýra gjafavöru frá Lisbeth Dahl og svo Avoca sem er yndislegt írskt merki sem ekki hefur áður verið hér á markaði sem sérhæfir sig m.a. í ilmkertum, handsápum í fallegum gjafapakkningum, bómullarsvuntum og afar vönduðum ullarteppum í öllum stærðum. Hugmyndin er að  hægt sé að fá allt í pakkann sem utanum hann á sanngjörnu verði í Jóla Ljúflingsbúðinni en jafnframt eitthvað einstakt – allt á einum stað.   Hjá Ljúflingskonunum Heiði og Ragnhildi mun ilmurinn af piparkökum fylla vitin og búðarkonurnar brosmildar og ljúfar taka vel á móti þér.