Það er hægt að gera kraftaverk þegar innanhússhönnun er annars vegar. Þetta sannaði arkitektinn Paul K Stewart sem nýverið gjörbreytti litlu baðherbergi sem staðsett er í Toronto í Kanada.

Baðkarinu var hent út og sturta sett í staðinn. Gólfið var parketlagt, sem er kannski svolítið óvanalegt þar sem baðhergergi er annars vegar, og tvær mismunandi flísar settar á veggina. Sturtan var flísalögð með mósaík-flísum en veggirnir með stærri flísum með viðaráferð.

Það sem vekur athygli að það var ekki sett upphengt klósett heldur venjulegt kanadískt lúxussalerni.