Grái liturinn er áberandi þessa dagana. Á Íslandi hefur það verið arfavinsælt upp á síðkastið að heilmála heilu húsin í gráu en nú virðist grái liturinn vera að taka við af hvítum þegar kemur að sprautulökkun. Í þessu eldhúsi sem hannað var af Inglis Hall er grái liturinn notaður á móti við. Skúffurnar í innréttingunni eru svolítið óvenjulegar en í þeim er gott pláss. Borðplatan er ekki heil heldur brotin upp. Stál og viður mætast og kemur það vel út á móti gráu innréttingunni.

Eldhúsið er fantavel skipulagt en stór skápaveggur með ísskáp og búrskáp og öllu er á sínum stað og svo er eyja fyrir framan þar sem eldavélin er staðsett. Takið svo sérstaklega eftir gluggatjöldunum sem eru munstruð og ná niður í gólf.