94 milljóna hæð við Hólavallagötu

Við Hólavallagötu í Reykjavík stendur glæsileg 200 fm hæð sem búið er að innrétta á ansi stílhreinan og smekklegan hátt. Húsið var byggt 1939 og stendur á einum besta stað Vesturbæjarins eða við Hólavallakirkjugarð og Landakotskirkju. 

Heimilið er smekklega innréttað. Í eldhúsinu mætast ljósbláar og hvítar sprautulakkaðar innréttingar og smart flísar á veggjunum. Eldhúsið er málað í sveppalit sem fer vel við þetta rými og litapallettu þess. Sveppaliturinn kallar fram ákveðinn hlýleika.

Á baðherbergjunum eru svartar háglansandi flísar sem skapa ákaflega gott andrúmsloft og minna á stíl fyrri tíma eða um það leyti sem húsið var byggt.  

Fiskibeinaparketið sem prýðir hluta íbúðarinnar er ákaflega fallegt. Það góða við svona parket er að það passar við hvaða húsgögn sem er og er alltaf mikil prýði inni á heimilum. 

HÉR er hægt að skoða íbúðina nánar.